O domingo 21 de xullo celebrouse a VI edición da Xuntanza de Palilleiras e Bordadores do Centro Social
de Cabo de Cruz. A mestre de cerimonias do acto de apertura foi a Concelleira
de Cultura María Outeiral á cal, as propias integrantes das diferentes escolas Mariví Santos (Revolteir@s,) Mª José F .
Figueroa, Manola Places (A Eito) e
Socorro Vázquez (Asoc. Antecedoira de Lousame), amosáronlle os traballos explicándolle tódolos pormenores da
confección artesanal das obras de arte que compoñen a exposición “Palla, Fíos,
Encaixes e Bordadoras”.
Posteriormente pasouse a apertura do obradoiro de traballo onde visitantes locais
e foráneos puideron ollar en directo como estas artesáns movían os fíos para
crear fermosas pezas de encaixe, bordado e ganchelo. Incluso, a concelleira,
animada polas alí presentes, non dubidou en coller a palilla e seguir as indicacións
dunha alumna converténdose así nunha palilleira mais durante un intre.
A xornada catalógase de espectacular, non so pola afluencia de público
(arredor de 300 persoas visitaron o obradoiro e a exposición) senón polo éxito
obtido, tanto na montaxe da exposición, como na interacción das participantes
có público visitante reflectido en numerosas felicitacións.
A mostra estará aberta ao público ata o 29 de agosto de 9:00 a 14:00h.
No hay comentarios:
Publicar un comentario